Jumla

Trump na “Mashimo ya Kinyesi”

Kusambaza ni Kuunusuru Uislamu

Mwehu, Donald Trump alipoulizwa kwanini Marekani haiwapi hifadhi wahamiaji wengi kutoka Haiti na Afrika, alijibu kwa matamshi ya kifedhuli na matusi kwamba hakuwa na haja ya wahamiaji kutoka “nchi za mashimo ya kinyesi”. Kisha hakusita kutoa hisia zake kwamba anataka wahamiaji kutoka mahala kama Norway. Akikusudia kuwa angependelea wahamiaji weupe kutoka Ulaya badala ya wahamiaji wa kiafrika.

Marekani na Ulaya zimetengeneza utajiri mkubwa kwa kuwatawala kwa ukoloni na kuwafanya watumwa watu wa Afrika na Haiti. Kutoka mwaka 1824 mpaka 1947, Ufarasa iliitenza nguvu nchi ya Haiti kulipa karibu mara kumi ya kipato cha nchi ya Haiti cha mwaka kwa ajili ya kuulipia kinachodaiwa ‘uhuru’ wake. Deni hilo la kujiua la miaka 125 kulipia kinachoitwa uhuru limekiacha kijinchi hiki cha Carribean katika mangamizi makubwa ya kiuchumi. Makampuni ya kimarekani kama Disney yamekuwa yakiinyonya nchi ya Haiti kupitia kuwalipa wafanyakazi wa nchi hiyo kipato kidogo mno ili  kuzalishia  bidhaa nyingi  kwa ajili ya Marekani. Haiti ni mfano hai wa nchi nyingi ulimwenguni zinavyoendelea kuangamia kwa unyonyaji wa ubepari.

Hali ya kuzingatia rangi ya ngozi, utaifa nk. wa wahamiaji ni kielelezo cha kuonesha wazi  uovu uliokubuhu wa Ubepari na namna unavyowazingatia  wanadamu.

Wahamiaji waliokwenda Madina walikuwa wamo waarabu, waafrika, maskini na matajiri. Kitu pekee kilichowaunganisha na kuwafunga pamoja ni kushikamana  kwao na mfumo mmoja wa Uislamu ambao haukuwagawa wala kuwatofautisha kwa msingi wa rangi za ngozi  wala  msingi wa kipato cha kiuchumi.

Hali ya ubepari ya kumzingatia mtu kwa mujibu wa rangi ya ngozi yake na hali yake ya kiuchumi inadhihirisha wazi kwamba fikra za ubepari si za kila mtu, bali ni za watu maalumu wa tabaka la ‘walio bahatika’.

Uislamu ndio mfumo mbadala wa ubepari, ambao unawazingatia wanadamu wote kuwa sawa, awe mtu rangi yoyote atakayokuwa, na kamwe hauwakadirii wengine kuwa “nusu watu” wasiostahiki haki ya kuhifadhiwa na maendeleo.

يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ

“Enyi watu! Hakika Sisi Tumekuumbeni kutokana na mwanamume na mwanamke. Na tumekujaalieni kuwa mapote na makabila ili mpate kujuana. Kwa hakika aliye mtukufu zaidi kati yenu kwa Mwenyezi Mungu ni aliye mchaMungu zaidi miongoni mwenu. Kwa hakika Allah ni Mjuzi na Mwenye khabari”

 [Al-Hujaraat: 13]

Imefasiriwa kutoka Ukurasa wa Facebook wa Hizb ut Tahrir Amerika

Kutoka Jarida la UQAB Toleo 13